Gweithgaredd disgybl

Gweithiwch mewn grwpiau o dri neu bedwar. Dewiswch un anialwch a gwnewch ymchwil. Does dim rhaid i'r anialwch rydych chi'n dewis fod yn un o'r rhai a enwir, ond sicrhewch eich bod chi'n gallu dod o hyd i ddigon o wybodaeth i'w rhoi mewn adroddiad ysgrifenedig ar ôl i chi edrych ar erthygl 3: Pobl yr Anialwch.

Cofiwch fod sawl math o anialwch i chi ei ddewis, nid dim ond rhai poeth, isdrofannol.

Casglwch wybodaeth am:

• ddaearyddiaeth (lle mae'r anialwch a sut dirwedd sydd yno?)

• hinsawdd

• nodiadau bras am y cymunedau sy'n byw yno (bodau dynol, anifeiliaid a phlanhigion).

Defnyddiwch fwy nag un ffynhonnell wybodaeth! Peidiwch â chael eich temtio i ddefnyddio'r canlyniad cyntaf a gewch chi wrth chwilio yn unig (Wikipeadia fel arfer). Mae gwaith ymchwil da yn golygu defnyddio sawl ffynhonnel wybodaeth a gwirio eich ffeithiau.

Mae digonedd o wybodaeth i'w chael am y byd naturiol mewn llyfrau, cylchgronau , rhaglenni dogfen, a llyfrau teithio hyd yn oes! Mae'r rhyngrwyd yn ffynhonnell dda hefyd, ond ceisiwch sicrhau eich bod chi'n defnyddio amrywiaeth o wefannau dibynadwy!

Bydd y wybodaeth rydych chi'n ei chasglu yn cael ei defnyddio mewn gweithgaredd lle mae'n rhaid i chi baratoi adroddiad ysgrifenedig ar anialwch o'ch dewis chi.

Sicrhewch eich bod chi wedi cywain digon o wybodaeth yn ystod y sesiwn hon fel eich bod chi wedi dechrau ar y gwaith yn ddigonol erbyn cam nesaf y gweithgaredd.