Ym mis Tachwedd 2010 rhybuddiodd sawl arweinydd busnes bod rhwydwaith y ffyrdd yng Nghymru yn “gwichian”. Gorfodwyd Llywodraeth Cynulliad Cymru i dorri eu gwariant ar economi a thrafnidiaeth ar gyfer 2013-14 hyd at £10 miliwn. Mae'r adran Economi a Thrafnidiaeth yn wynebu gostyngiad pellach o £116.5 miliwn yn eu cyllid dros y tair blynedd nesaf. Bydd rhaid i'r arian sydd ganddyn nhw gael ei wario ar wella'r rhwydwaith briffyrdd a phrosiectau cynnal a chadw sy'n cael ei dorri o £75.4 miliwn i £32.8 miliwn yn 2012-13.

Cyfrifoldeb Transport Wales yw'r prif ffyrdd yng Nghymru. Mae Transport Wales yn edrych ar ôl 75 milltir o draffordd a dros 1000 o filltiroedd o brif ffyrdd yng Nghymru. Maen nhw'n gwario tua £210 miliwn ar y dasg hon yn flynyddol.

Rhwng y Gogledd a'r De bydd y gwasanaeth hedfan Intra Wales yn parhau, ond mae cynlluniau mawr i wella ffyrdd eraill ar y gweill.

Gwasanaeth Awyr Intra Wales

Ystyrir y rheilffordd yn ffordd gynaliadwy o deithio ac mae'r trên cyflym, Y Gerallt Gymro o Gaergybi i Gaerdydd am gael ei gadw. Hefyd, bydd rhan o'r rheilffordd rhwng yr Amwythig a Chaer yn cael ei wella, gan gynnwys ffordd ddeuol (fel y gal trenau deithio i wahanol gyfeiriadau ar yr un pryd) rhwng Caer a Wrecsam. Fodd bynnag, bydd y prif welliannau yn cael eu gwenud i rwydwaith y ffyrdd yn enwedig o'r canolbarth i Ogledd Cymru.

Trên Caergybi i Gaerdydd

Y ffordd a fydd yn cael mwyaf o fudd o hyn, gyda naw adran yn cael ei gwelld fydd yr A470 i'r Gogledd o Lanelwedd, yn ogystal â gwellianau i'r A483 a'r A487. Bydd manau peryglus yn cael eu lledaenu, ac adrannau syth yn cael eu hadeiladu yn lle adranau maith a throellog yn ogystal â ffyrdd osgoi heibio lleoliadau sy'n achosi tagfeydd.

A470 gan Llanelwedd